Shkëlqim Kameri është një ndër 5 personat e akuzuar për përdhunimin e 11-vjeçares në Prishtinë.
Menjehrë pas publikimit të ngjarjes, 19-vjeçari ishte në arrati, por duket se kjo nuk e ka ndaluar të jetë aktiv në rrjetet sociale, pasi para 21 orësh, ai ka publikuar në tik-tok një video.
Në videon e shpërndarë, e cila është një pjesë e një filmi shqiptar, flitet dhe për gangsterët dhe të fortët e vërtetë në jetë dhe se si i ka ngatërruar.
“Në jetën time ngatërrova të fortin me budallain…sepse të fortët e vërtetë dhe gangsterët nuk dalin kurrë në skenë …rrinë larg…Nuk po them se jam bërë pishman për gjërat që kam bërë në jetë…sepse kam dashur dhe i kam bërë”, thuhet në videon që ka shpërndarë i dyshuari.
Kameri është arrestuar sot, ndërsa ka qenë babai ai i cili e ka dorëzuar në polici të birin.
“Më mirë le të vdesë”/ Flet babai i 19-vjeçarit që përdhunoi në grup të miturën: E dërgova vetë në polici
Ngjarja e rëndë ka ndodhur në Dragodan në Prishtinë. Më 27 gusht, 5 burra, mes tyre 3 të mitur, kanë dhunuar e përdhunuar një 11-vjeçare për 7 orë në një nga parqet e kryeqytetit. Katër nga pesë personat e akuzuar për përdhunimin e të miturës janë identifikuar dhe arrestuar ditën e djeshme. Ndërkohë sot u arrestua dhe i pesti, 19-vjeçari Shkëlqim Kameri.
